اہل بیت(ع) نیوز ایجنسی ـ ابنا ـ کے مطابق، بندر عباس کی شہید رجائی پورٹ میں آتشزدگی کے دردناک سانحے پر رہبر انقلاب اسلامی امام خامنہ ای نے اپنے پیغام میں سوگوار خاندانوں کو تعزیت پیش کرتے ہوئے سیکیورٹی اور عدالتی عہدیداروں کو حکم دیا ہے کہ وہ اس واقعے کی مکمل تحقیقات کریں اور کسی بھی غفلت یا ارادے کا پردہ فاش کریں اور باضابطہ کاروائی کریں۔
رہبر انقلاب اسلامی کے پیغام کا متن حسب ذیل ہے:
بسم الله الرّحمن الرّحیم
انا اللہ و انا الیہ راجعون
شہید رجائی پورٹ پر المناک سانحہ انتہائی صدمے اور تشویش کا باعث ہؤا۔
سیکورٹی اور عدالتی عہدیداروں پر فرض ہے کہ وہ مکمل چھان بین کریں، کسی بھی غفلت یا نیت کا پردہ فاش کریں اور ضابطے کے مطابق کاروائی کریں۔۔
تمام عہدیدار اپنے آپ کو ہر حادثے اور تلخ واقعات کی روک تھام کا ذمہ دار سمجھیں۔
میں خدائے بزرگوار سے اس جانگداز واقعے میں جاں بحق ہونے والوں کے لئے رحمت و مغفرت اور سوگوار خاندانوں کے لیے صبر و سکون اور زخمی ہونے والوں کے لئے جلد صحت یابی کی دعا کرتا ہوں۔
میں ان تمام لوگوں کا تہہ دل سے شکریہ ادا کرتا ہوں جنہوں نے اس مشکل وقت میں زخمیوں کو خون کا عطیہ دیا۔
والسلام علیکم و رحمت الله
سید علی خامنہ ای
27 مئی 2025ع
آپ کا تبصرہ